Te Tīmatanga Kōrero
—
introduction
Ko te wehi ki te Atua o ngā mano tuauriuri, whāioio, kī ana te rangi me te whenua i te nui o tōna korōria
Ko Ranginui e tū iho nei, ko Papatūānuku e takoto nei!
Kia tū mai anō ngā āhuatanga o te taiao, ko ngā maunga o Whangārei Te Terenga Parāoa ka tārehua
E mihi ana ki te whenua, e tangi ana ki ngā tāngata
Ko Manaia ki tai, ko Parihaka ki uta Korohihī pō, korohihī ao
Ō rongo i tūngia ai , ki te māta hau o Tū
Tū Te Winiwini! Tū Te Wanawana!
Tū kia whakaputaina ki te wheiao ki te ao mārama
Whano, whano! Haramai te toki! Haumi ē! Hui ē! Tāiki ē!
Nau mai, piki mai, kake mai ra!
E ngā māna, e ngā reo o ngā hapū, o ngā mātāwaka, tēnā koutou katoa
Tēnā tātou i ā tātou mate maha kua tangohia nei e te ringa kaha o aituā, haere mai haere. Hōki atu koutou ki te wā kāinga tūturu kua rāhuitia mō tātou mō te tangata, moe mai rā koutou i te moenga roa
He āpiti hono, he tātai hono, te hunga mate ki te hunga mate. He āpiti hono, he tātai hono, tātou te hunga ora ki te hunga ora. Tēnā koutou, tēnā koutou, tēnei tātou katoa
Me mihi atu ka tika ki ngā whanaunga o Te Rewarewa i tautokongia ai tēnei kōrero mō Te Rewarewa Mahere Whenua. Kīhai ō tātou tūpuna i tukuna ai tō rātou māna, tō rātou rangatiratanga ki a wai rānei
Kia kaha! Kia toa! Kia ū! Tihewa mauri ora
Te Rewarewa Committee of Management, April 2018
—
news
Featured
